FARITRA FITOVINANY
FIHAONAM-BE NATAO TETO MANAKARA NANDRITRA NY 2 ANDRO
Fototra iorenan’ny maha olona ny fahasalamana.
Nisy arak’izany ny fihaonam-be ho fiaraha-mientana amin’ny ady ho fampihenana ny taham-pahafatesan’ny RENY eo ampiterahana sy ny Zaza ary ho fampiroboroboana ny fahasalaman’ny zatovo sy ny tanora ary ny ady amin’ny tsy fanjariantsakafo, natao teto Manakara.
Nandray anjara mavitrika tamin’izany ny Fitaleavam-paritrin’ny Mponina sy ny Firaisan-kina Fitovinany.
Nisy ny fanindrina mafy nataon’ny Talem-paritrin’ny Mponina sy ny Firaisan-kina -Momba ny ady amin’ny herisetra indrindra mahazo ireo Vehivavy sy ny Zaza izay vao maika mampiakatra ny taham-pahafatesan’ny reny sy ny Zaza na eo ampiterahana na vokatrin’ny fampanam-badiana aloha loatra ny ankizy vavy ihany koa ary ny fanolanana:
Ny hijerena manokana ireo tokatrano misy ireo faharefoana ireo eo amin’ny sehatra rehetra izay manao fiahiana ara-tsosialy, rehefa mitsirika izay tokony hisitraka izany, ka mba hananan’izy ireo fiarenana haingana ihany koa.
Ny tokony ho fananana anarana raha vao teraka ny zaza mba hisitraka ny zony.
Ny hisitrahan’ireo Vehivavy ny zon’ny fananan-tany ahafahany mamelona ny zanany.
Nahitana ireo sokajin’ny vondrona maro ny fihaonana toy ny:
– Tompon’andraikim-panjakana ara-tekinika ifotony voakasik’izany.
– Ben’ny tanana.
– Sefo fokontany 18 eto Manakara.
– Médecin inspecteur Distrika 3 ato anatin’ny Faritra.
– Chef CSB II rehetra ato anatin’ny Faritra.
– Agents communautaires.
– Fikambanam-behivavy
– Ray aman-dreny ara-panahy.
– Ray aman-dreny ara-drazana.
– Mpiara-miombonantoka maro:
– Fikambanam-behivavy
– Fikambanan’ny tanora
Ankasitrahana Rtoa talen’ny fahasalaman’ny fianakaviana izay nisolo-tena ny fitondram-panjakana nitarika izany taty an-toerana.
Irariana ny fitohizan’ny fiaraha-miasa matotra hatrany eo amin’ny Fitaleavam-paritrin’ny Mponina sy ny Firaisan-kina ary ny Fitaleavam-paritrin’ny fahasalamam-bahoaka Fitovinany,ho tombontsoen’ireo Mponina.
Nofaranana tamin’ny fanaovan-tsonia nataon’ny mpizaika rehetra ho fitazonana ny teny nomena fa samy handray ny andraikiny ny fihaonana.
