DRPS ANALANJIROFO/ DISTRIKA NY VAVATENINA

VOHIN-KAVA MAHATRATRA HO AN’NY MPONINA TRA-BOINA AO AMIN’NY FOKONTANY ANJIRO,CR AMBOHIBE

Ny alin’ny 25 Novembre 2024 lasa teo dia nitrangana haintrano tao amin’ny Fokontany ANJIRO , Kaominina Ambanivohitra AMBOHIBE , DISTRIKA NY VAVATENINA ka nahamaizana 233 tafo nahitana traboina miisa 402.

Manoloana izany dia tonga nankahery ireo traboina ireo ny Lehiben’ny sampan-draharaha anivon’ny Distrika izay notarihin’Atoa Lehiben’ny Distrika ny Vavatenina, Lehiben’ny CISCO, Lehiben’ny sampan-draharahan’ny Mponina , Assistant Parlementaire ny Solombavam-bahoaka ny Vavatenina, ny mpitandro ny filaminana ary ny BNGRC Analanjirofo

Fitaovana sy kajakoja maro izay ilaina amin’ny fiainana andavanandro no nozaraina : vary,voamaina, fitaovana ilaina an-dakozia, menaka,sira .

Nametraka fisaorana hoan’ny fitondram-panjakana ireo tra-doza nohon’ny fijerena ankaiky sy nitondrana teny fampaherezana hoan’izy ireo .