𝐅𝐈𝐕𝐎𝐑𝐈𝐀𝐍𝐀 𝐀𝐑𝐀-𝐏𝐎𝐓𝐎𝐀𝐍’𝐍𝐘 𝐊𝐎𝐌𝐈𝐓𝐘 𝐍𝐀𝐒𝐈𝐎𝐍𝐀𝐋𝐈𝐍’𝐍𝐘 𝐅𝐈𝐀𝐑𝐎𝐕𝐀𝐍𝐀 𝐍𝐘 𝐀𝐍𝐊𝐈𝐙𝐘

Laharam-pahamehana amin’ny fiahiana ny ankizy ny fanajàna ny zon’izy ireo amin’ny lafiny rehetra fa indrindra amin’ny fiarovana amin’ny herisetra.

Tontosa araka izany ny fivorian’ny komity nasionaly ho an’ny fiarovana ny zon’ny ankizy izay hiandraikitra manokana ny fanaraha-maso ny fanatanterahana ireo paikady napetraka mahakasika ny fandaharan’asa fivoaram-piainan’ny ankizy.

Izany dia fiaraha-miasa eo amin’ny Minisiteran’ny Mponina sy ny Firaisan-kina izay tarihin-dRamatoa 𝐑𝐀𝐙𝐀𝐅𝐈𝐍𝐉𝐀𝐓𝐎 𝐀𝐮𝐫𝐞́𝐥𝐢𝐞 miaraka amin’ny UNICEF sy ireo mpisehatra rehetra amin’ny fiarovana ny zon’ny ankizy notronin’ny olo-manan-kaja maro.

Nampahafantarina nandritra ny dinika :

Ireo zo fototra tokony hositrahan’ny ankizy ;

Ny andraikitry ny komity nasionaly izay faritan’ny lalàna sy didim-pitondrana mandrafitra izany ;

Fa indrindra ny fandrindrana ireo fandaharanasa sy politika nasionaly amin’ny fiarovana ny ankizy.

Andraikitro, Andraikitrao, Andraikitsika ny fivoaram-piainan’ny ankizy manoloana ny tontolo ara-teknolojia mba hamolavolana azy ireo hanana hoavy mamiratra.

‘𝐍𝐃𝐀𝐎 𝐇𝐈𝐁𝐀𝐍𝐉𝐈𝐍𝐀 𝐍𝐘 𝐇𝐎 𝐀𝐕𝐘 𝐌𝐀𝐌𝐈𝐑𝐀𝐓𝐑𝐀, 𝐌𝐈𝐀𝐑𝐀𝐊𝐀 𝐒𝐘 𝐇𝐎 𝐀𝐍’𝐍𝐘 𝐀𝐍𝐊𝐈𝐙𝐘