𝐍𝐀𝐌𝐎𝐑𝐘 𝐈𝐑𝐄𝐎 𝐌𝐏𝐈𝐀𝐑𝐀-𝐌𝐈𝐀𝐒𝐀 𝐀𝐌𝐈𝐍𝐘 𝐄𝐎 𝐀𝐍𝐈𝐕𝐎𝐍’𝐍𝐘 𝐌𝐈𝐍𝐈𝐒𝐈𝐓𝐄𝐑𝐀𝐍’𝐍𝐘 𝐌𝐏𝐎𝐍𝐈𝐍𝐀 𝐍𝐘 𝐌𝐈𝐍𝐈𝐒𝐈𝐓𝐑𝐀 𝐑𝐀𝐙𝐀𝐅𝐈𝐍𝐉𝐀𝐓𝐎 𝐀𝐔𝐑𝐄́𝐋𝐈𝐄

Ho fanomezan-danja ireo mpiara-miasa aminy dia nanatanteraka fihaonam-be tao amin’ny Havoria Anosy ny Minisitry ny Mponina sy ny Firaisan-kina 𝐑𝐀𝐙𝐀𝐅𝐈𝐍𝐉𝐀𝐓𝐎 𝐀𝐮𝐫𝐞́𝐥𝐢𝐞.

Fototra voalohany amin’ny vinan’ny Filohan’ny Repoblika Andry RAJOELINA ny Fampiroboroboana ny maha-olona ka ny Minisiteran’ny Mponina no anisan’ny tomponandraikitra voalohany ao anatin’izany.

Nanamafy ny Minisitry ny Mponina fa andraikitry ny tsirairay ny fanatanterahana ny fampiroboroboana ny maha-olona amin’ny alalan’ny fanamafisana ny firaisankina sy ny fandrasaina adidy eo anivon’ny fiaraha-monina. Manomboka any an-tokatranon’ny tsirairay izany ka miakatra eny amin’ny Fokontany, ny Kaominina, ny Distrika sy ny Faritra mba ho tomponandraikitra ary misitraka ireo tombony entin’izany ny Mponina manerana ny Nosy. Izany dia hahafahana manatanteraka ilay tanjona hoe TSY MISY MPONINA HADINO.

Notsindriany manokana ihany koa ny hijerena haingana ireo mety ho sakana amin’ny fanatanterahana ny asan’ny Minisitera foibe sy ny eny amin’ny faritra hafahana miara-mandroso sy mahita vokatra azo tsapain-tanana.

Farany dia nanentana manokana izy ny amin’ny fandraisana anjara mavitriky ny Mponina feno taona, indrindra ny vehivavy, amin’ny fifidianana izay ho Ben’ny tanàna sy ny Mpanolon-tsaina efa voafaritry ny CENI hatao ny 11 desambra 2024 ho avy izao manerana ny Nosy.

Nitondra ny teny firariantsoa sy fahombiazana ho an-dRamatoa Minisitra ireo mpiara-miasa aminy.