« Fampananan’asa ny olona jamba, mitaky fandraisana andraikitry ny tsirairay ho amin’ny fampandrosoana mampiaty »

Taorian’ny filaharambe mamakivaky ny tanànan’Antsirabe niarahana tamin’ireo olona manana fahasembanana ara-pahitana dia miisa 160 izy ireo no notolorana fehezan-karona izay nahitana vary, menaka, ronono, savony. Nomena fitaovana ihany koa izy ireo toy ny tehina fotsy sy akora ilainy amin’ny fanaovana asa tanana.

Ho fanomezan-danja ny fahaiza-manaon’izy ireo dia nisy ny laobary andasy niarahana tamin’ny Fivondronan’ny Orinasan’ny Vakinakaratra (FIOVA). Tanjona ny fampananan’asa mitondra ho amin’ny fahaleovantena. Ohatra mivaingana ny fisian’ny olona manana fahasembanana miisa 03 izay miasa ao amin’ny fiadidiana ny Faritra Vakinankaratra.

Nanome voninahitra ny fotoana ny Minisitry ny Mponina sy ny Firaisan-kina 𝐑𝐀𝐙𝐀𝐅𝐈𝐍𝐉𝐀𝐓𝐎 𝐀𝐮𝐫𝐞́𝐥𝐢𝐞, notronin’ny Solombavambahoaka voafidy tao amin’ny Distrikan’i Vohibato sy ireo manampahefana ao an-toerana.