Notanterahina anio 05 jona tao amin’ny Hôtel Colbert Antaninarenina ny atrikasa fankatoavana ny takelaka fandraisana ireo fitorohana trangana herisetra mifototra amin’ny maha lahy na maha vavy ary ny ankizy.
Hetsika izay tafiditra indrindra ao anatin’ny fankalazana ny iray volan’ny ankizy izany.
Tanjona ny hametrahana fitaovana iray, iombonana mahomby entina hanamafisana ny fiarovana ny ankizy sy ny olona iharan’ny herisetra.
Fiaraha-miasa eo amin’ny Minisiteran’ny Mponina sy ny Firaisan-kina sy ny UNICEF ary ireo mpisehatra rehetra amin’ny ady amin’ny herisetra no nahafahana nanatontosa izany.
Ny Mpitahiry ny Tombokasem-panjakana Minisitry ny Fitsarana, Minisitry ny Mponina sy ny Firaisan-kina mpisolo toerana, 𝐑𝐀𝐍𝐃𝐑𝐈𝐀𝐌𝐀𝐍𝐀𝐍𝐓𝐄𝐍𝐀𝐒𝐎𝐀 𝐋𝐚𝐧𝐝𝐲 𝐌𝐛𝐨𝐥𝐚𝐭𝐢𝐚𝐧𝐚, no nanokatra tamin’ny fomba ofisialy ny atrik’asa, notronin’ny Mpisolo tena lefitry ny UNICEF, Giles Chevalier.