Sisin-dalana mirefy 4 kilometatra eny Ambohitrimanjaka no niarahan’ireo mpiara-miasa eo anivon’ny Minisiteran’ny Mponina sy ny Firaisan-kina nanadio ny andron’ny 12 aogositra 2025. Nanome tanana azy ireo tamin’ny fanatanterahana izany ireo mponina manodidina.

Natao izao ho fanomezana endrika tsara an’Antananarivo sy ho fanomanana ny fandraisana ireo vahiny manan-kaja maro mandray anjara amin’ny fihaonana an-tampon’ny SADC andiany faha-45.